Bondì, care muraje tèile d’aragn bondì,
vëdde ch’i son tornaje, guardeme torna sì.
I vëddo ‘nt un canton mè nòm scrit con ëd carbon.
Bondì, bondì, bondì, guardeme torna sì.
Për pi nen ëvnive a vëdde, pòvre muraje plà,
quanti son fasse chërde ribenedèt dai frà!
Ma mi, për pieuva e sol, i son stait sempre col.
Bondì, bondì, bondì, guardeme torna sì.
Sël nas dla Polissia, la musa dël Piemont
l’é pròpi sì ch’a vnija a carësseme ‘l front.
I sento ancor j’osej bësbijé ij mè ritornej.
Bondì, bondì, bondì, guardeme torna sì.
Lo ricordeve ancora? Combinassion fatal!
A l’era Pasqua antlora adess a l’é Natal.
Nosgnor a meuir e a nass, e am lassa mì ant jë strass.
Bondì, bondì, bondì, guardeme torna sì.
Na riga ras-cià mesa i s-ciairo ‘n pò pì ‘n là
a smija nen ch’as lesa: Viva la libertà?
Da sì com a l’é bel ël sol d’Piassa Castel!
Bondì, bondì, bondì, guardeme torna sì.