I giugavo ‘nsema mi e ti, ma t’arcòrde nen ëd mi …?
i giugavo ‘nsema ‘n cola cort pien-a ‘d cit e ‘d rumor …
Mi i j’era col che a gieughe a bije at vincìa fin-a le braje
mi i j’era col che a gieughe a plé at brusava ‘l marciapé
Ti it ëm disìe: -a vnirà ‘n di che na vòlta i vincerai ‘dcò mi-
ma mi ‘n sla facia it rija: – còs’it veules-to vince? … ma va via!-
I giugavo ‘nsema mi e ti e a l’é vnuje col famos di
an rijand ti it vince la partìa e mi moch i vado via
La dòna che ti it l’has për man, la mama dij tò cit doman
a l’é cola che mi i l’hai sugnà, për tanti ani i l’hai spetà
I giugavo ‘nsema mi e ti, ma coj gieugh a son finì
adess a l’é gròssa la partìa: o la toa felicità o la mia
Ma chila a strenz già fòrt la toa man, ti it la pòrte lontan
e për tute le volte ch’it l’has perdù, ti sta vòlta it l’has vinciù …